Cheeky Quotes

Senin, 02 September 2013

GARA-GARA NIO JADI PEGAWAI

                Pegawai adolah propesi nan paliang  dicari dek urang kini. Sado urang barabuik nio jadi pegawai. Kok dulu pegawai ko dak dicaliak urang bana do. Kini pegawai lah sanang. Baa ka indak pitih masuak tiok bulan. Kok dak bisa datang ka kantua dak baa do, nan pokok gaji tetap manarimo barikuik tunjangan nyo. Pegawai kini lah sanang, lah banyak nan punyo oto, apo lai kalau laki jo bini kaduo- duo nyo  PNS , dak ado lai. Kok lah cukuik umua pensiun namun pitih tetap masuak.  
                Banyak urang gaek nan basalero bana  anak nyo jadi pegawai. Basukur bana rasoe kalau anak lah jadi pegawai.Untuak mancari minantu pun kok dapek nan PNS. Supayo naiak gengsi saketek.
Jadi PNS dak bisa diturunan ka anak takah urang manggaleh do. Misalnyo apak nyo panggaleh anak nyo bisa langsuang jadi panggaleh jikok lai namuah. Tapi PNS ado tes jo ujiannyo. Taun 2013 ko kabae ujian ka dilaksanakan jo sistem CAT atau Computer Assisted Test Apo lo tu?. Aratie tes untuak jadi PNS pakai internet kini lai. Supayo indak tajadi kabocoran soal. Untuang- untuang ancak
                Kok lah jadi PNS indak lo buliah mamiliah-miliah dima ka di tampek an do do. Baa ko co itu?. Sabauk PNS tu kan abdi negara. Sabaleh duo baleh jo tentara tu nyo. Cuman tentara nyo basanjato badie, PNS indak do. Ado pulo nan nio jadi PNS di kampuang je nyeh.
                Saba e indak ado masalah do kalau nio jadi pegawai . asa caro nyo batue. Indak ado pakai iko itu do. Lulus murni kecek urang kini.


Jakarta, 2 sept 2013

Tidak ada komentar:

Posting Komentar